ZIJUE TOFAUTI BAINA YA WAISLAMU WAAHMADIYYA NA WAISLAMU WENGINE

HADHRAT MIRZA MASROOR AHMAD (a.t.b.a) Kiongozi wa Kiroho wa Jumuiya ya Waislamu Waahmadiyya ulimwenguni.

Kwa jina la Mwenyezi Mungu, Mwingi wa Rehema, Mwingi wa Ukarimu

Sayyidna Hadhrat Mirza Ghulam Ahmad a.s. (1835 - 1908 A.D.) Mwanzilishi Mtukufu wa Jumuiya ya Waislamu wa Ahmadiyya ametumwa na Mwenyezi Mungu kwa niaba ya Mtukufu Mtume Muhammad s.a.w. kuimarisha Dini ya Kiislam. Alidai kwamba yeye ni Imam Mahdi na Masihi Aliyeahidiwa na Mtume Mtukufu Muhamamd s.a.w. na yeye ndiye kiongozi wa zama hizi. Wafuasi wake walipatikana katika Afrika mashariki zama za uhai wake mnamo mwaka 1896 A.D. Yeye aliimarisha na alifundisha dini ya Kiislaam, ile ile iliyoletwa na Mtume Muhammad s.a.w. Baada yake makhalifa wake wamekuja sawa na ahadi ya Mwenyezi Mungu na utabiri wa Mtume Mtukufu s.a.w. (Quran 24:56;  Musnad Ahmad Jal. 4 uk. 273, Mishkat Bab Indhar). Kazi za Jumuiya na nidhamu ya Jumuiya inapendeza, huduma ya kuimarisha Dini ya Kiislam na kueneza mafundisho yake ni ya kutosheleza na hivyo ndivyo inavyotakiwa.

 SHABAHA YA KUANZISHA JUMUIYA MPYA

Sasa swali laweza kuzuka kwamba, wakati Seyyidna Ahmad a.s. alitumwa kuimarisha Dini ya Kiislam, ni kwa nini hakuungana na Waislam wengine, badala yake akaanzisha Jumuiya mpya na kujitenga nao?

JIBU:

1.Utabiri ulikuwepo wa Mtume Muhammad s.a.w. kwamba, wakati Waislamu watagawanyika makundi 73, yote yataingia motoni isipokuwa kundi moja pekee ndilo litaenda Peponi.  (Jamee Tirmidhi Baabu Iftiraq). Aliulizwa ni kundi gani hilo? Akasema Jamaat - yaani Jumuiya. Hivi ilikuwa lazima sawa na utabiri, Jumuiya ile ingepatikana. Kwa nia hii na kwa idhini ya Mwenyezi Mungu Seyyidna Ahmad a.s. alianzisha Jumuiya ya Waislamu wa Ahmadiyya.

 

2. Seyyidna Ahmad a.s. ndiye Imam wa zama hizi. Jemedari wa jeshi la kiroho. Wakati yeye ameitwa Imam ni lazima awe na wafuasi wake, Wakati yeye ni Jemedari wa jeshi la kiroho lazima awe na jeshi la Dini. Yeye alitengeneza lile Jeshi la Mungu linaloitwa Jumuiya ya Waislamu wa Ahmadiyya.

 

3. Wakati Sayyidna Ahmad a.s. alitumwa kuhuisha Dini ya Kiislamu. Je, angefanya kazi peke yake? Taratibu ya kazi inakuwa hivi kwamba kiongozi anaongoza na wafuasi wake na wadogo wake wanafuata na wanafanya kazi. Sasa angalieni wakati Imam Mahdi angetaka kuchapisha Qurani na Hadithi, angewaambia nani kazi hii? Wakati angetaka kujenga msikiti na madrasa angemwambia nani? Wakati angetaka kuwaita watu mkutanoni angewaita nani? Wakati angetaka kuwatuma wabashiri nchi za nje angewatuma nani? Jibu la maswali hayo na mengineyo ni kwamba lazima awe na wafuasi wake, wale ambao wanajulikana, wale ambao wanamfuata, na lazima wawe na jina lolote.

JINA LA JUMUIYA YA WAISLAM WAAHMADIYYA

Seyyidna Ahmad a.s. kwa idhini ya Mwenyezi Mungu tarehe 23/3/ 1889 A.D. alianza kupokea Bait za watu, na siku hadi siku watu maelfu walijiunga naye. Sasa swali lilikuwa hili kwamba watambulike kwa jina gani? Kwa sababu Waislamu walianza kujiita kwa majina mbalimbali. Kwa hiyo ilikuwa muhimu sana kwamba wafuasi wa Seyyidna Ahmad wawe na jina maalumu. Seyyidna Ahmad a.s. ambaye alitumwa kwa niaba ya Mtume Mtukufu Muhammad s.a.w. yeye alisema kwamba yeye hana chochote ila cha Muhammad s.a.w. na wafuasi wake si mbali na wafuasi wa Mtukufu  Mtume Muhammad s.a.w. Hivyo aliwaita wafuasi wake kwa jina la Jumuiya ya Waislamu wa Ahmadiyya. Kwa sababu ya jina la pili - Ahmad - la Mtume Muhammad s.a.w. Hapa ni vyema ieleweke vizuri kwamba jina la Ahmadiyya si kwa sababu ya jina la Ahmad a.s. mwanazilishi wa Jumuiya. Bali ni kwa sababu ya jina la pili la Mtume Mtukufu s.a.w. na muradi wake ni

Waislamu wa Mtume Muhammad s.a.w. Si Waislamu wa katikati wala wa baadaye, kama vile wengine wajiitavyo kwa jina la Sheikh fulani au mwalimu yeyote.

TOFAUTI BAINA YA WAISLAMU WAAHMADIYYA NA WAISLAMU WENGINE

Kama inavyoeleweka kwamba, Waislamu wote wanayo dini moja yaani dini ya Kiislamu. Nguzo za dini ya Kiislamu ni zilezile tano, na nguzo za imani ni zilezile sita. Wote wanamwamini Mwenyezi Mungu na Mtume wake Muhamamd s.a.w. Lakini baadhi ya wakati inaonekana hitilafu baina yao, ambapo wakati mwingine hitilafu hizi huwa kubwa mpaka baadhi ya Waislamu wanawadhania vibaya wengine. Katika kitabu hiki tunachukua fursa hii kueleza tofauti baina ya Waislamu wa Ahmadiyya na Waislamu wengine.

(1) Waislamu Waahmadiyya tunaamini itikadi zile tu zinazoelezwa katika Qurani na Hadithi za Mtume s.a.w. na tunakataa Bidaa na mambo yaliyobuniwa baadaye katika dini. (3:86). Lakini Waislamu wengine wanaamini itikadi ambazo hazipatikani katika Qur'ani na Hadithi na hii ni tofauti ya msingi. Kama mfano, Waislamu wengine wanaamini kwamba:

 

 (2) Waislam wa Ahmadiyya tunaamini kwamba Mola wetu anazo sifa zote njema na hana mabadiliko katika sifa yake yoyote, na kazi zote anafanya alizokuwa akifanya zamani. Lakini Waislamu wengine wanaamini kwamba Mwenyezi Mungu haongei na mtu yeyote siku hizi, hata kama mtu huyo awe na imani ya hali ya juu namna gani. Kana kwamba Mungu wao siku hizi ni bubu na anakosa sifa moja ya kuongea. 

 (3) Waislamu wa Ahmadiyya tunaamini kwamba Malaika ni viumbe wa Mwenyezi Mungu na wanafanya kazi chini ya mwongozo wa Mwenyezi Mungu na kazi yao moja ni kuleta Wahyi (ufunuo) kwa watu wema wa Mungu na bado wanaendelea kufanya kazi hii kama Mwenyezi Mungu anavyoeleza katika Qurani Tukufu (41:31-32; 97:5-6). Lakini Waislamu wengine wanasema kwamba Malaika hawafanyi kazi hii siku hizi bali wamekaa bure tu.

 

  (4) Waislamu wa Ahmadiyya Tunaamini kwamba Qurani Tukufu ni kitabu cha Mwenyezi Mungu ambacho hakina shaka yoyote ndani yake wala hakuna mabadiliko wala mafutiko katika Qurani, kwa sababu Mwenyezi Mungu ni mlinzi wake (15:10). Lakini Waislamu wengine wanaamini kwamba aya kadhaa za Qurani tukufu zimebadilika na zingine hazina athari zao na zingine zimefutwa, wanaziita kwa maneno ya Naasikh na Mansuukh. Wengi wao hawaiamini Bismillahir Rahmaanir Rahiim kuwa ni aya ya kwanza ya kila sura iliyowekwa juu yake.

 

 (5) Waislamu Waahamdiyya tunaamini kwamba Mitume wote wa Mwenyezi Mungu hawana dhambi yoyote. Wote walikuwa wapendwa wa Mwenyezi Mungu na wenye utawa na uchamungu. Lakini Waislamu wengine wanahitilafiana nasi, wanasema kwamba Mitume walikuwa na dhambi kama vile kusema uongo, kuelekea kwa wanawake wengine na kadhalika. Mifano mingi ya aina hii imetajwa katika tafsiri zao za Qurani hata mingine kumhusu Mtume Mtukufu Muhammad s.a.w.  (nau'udhu billahi min dhaalika) Angalia Tafsiri ya Jalalain maelezo ya Aya ya 24 Surat Yunus na pia maelezo ya aya ya 37 Suratul Ahzaab.

 

 (6) Waislamu wa Ahamdiyya tunaamini kwamba Hadhrat Isa a.s. (Yesu Kristo) alikuwa Nabii wa Mwenyezi Mungu tu. Akiwa mwanadamu alikufa kifo cha kawaida kama walivyokufa Mitume wengine wa Mwenyezi Mungu. (3:145 na 5:76) na hana sifa yoyote ya Mungu kama kuishi bila kula chakula. Mayahudi walishindwa kumfisha msalabani (kumsulubu) bali Mwenyezi Mungu alimsaidia na kumlinda na kifo cha msalaba na baada ya mateso aliyoyapata msalabani alihamia nchi za Mashariki, akaishi huko na kufia huko katika umri wa miaka 120  (Kanzul Ummal Jl. 6 Uk. 160). Lakini Waislamu wengine wanawaunga mkono Wakristo kusema kwamba Nabii Isa a.s. yu mzima mbinguni pamoja na Mwenyezi Mungu! Anaishi huko bila kula chakula na bila mahitaji mengine ya kibinadamu na hana mabadiliko. Kana kwamba ni Mungu wao mdogo.

 

 (7) Sisi Waislamu wa Ahmadiyya tunaamini kwamba utume ni neema na baraka ya Mwenyezi Mungu na neema zake zinahitajika kwa mwanadamu kwa ajili ya maendeleo yake ya kiroho. Muongozo wake unahitajika wakati ugonjwa wa kiroho unapotokea kama vile dawa inavyohitajika wakati ugonjwa wa kimwili unapotokea. Hivyo sisi tunaamini kwamba utume katika dini ya Kiislamu (kwa wafuasi wateule wa Mtukufu Mtume s.a.w.), unaendelea . Kazi ya Mitume hao ni kufundisha na kueleza aya za Mwenyezi Mungu na kuelekeza kwenye dini ileile iliyofundishwa na Mtume Muhammad s.a.w. (7:36). Kwa kuthibitisha hili amekuja Hadhrat Ahmad a.s. Mwanzilishi wa Jumuiya ya Waislamu wa Ahmadiyya, kutoka kwa Mwenyezi Mungu kwa niaba ya Mtume Muhamamd s.a.w. Hii ni kweli kabisa kwamba dini ya Kiislamu imekamilika, sasa hakuna dini nyingine ila Islam, na Mtume yeyote hana nafasi ya kuja kupinga au kubadilisha mafundisho ya dini ya Kiislamu.Yeyote atakayetumwa lazima awe mtumishi na mfuasi wa Mtume Mtukufu Muhammad s.a.w. Lakini Waislamu wengine wanasema kwamba Mtume Muhamamd s.a.w. ni Mtume wa mwisho, na neema yoyote haitapatikana katika umati wake. Balaa, fitina uwongo, udanganyifu, kugawanyika, madajjali, vyote vitapatikana lakini dawa au mtu wa Mungu hatakuja. 

 

(5) Ingawaje Waislamu hawa wakati mwingine wanajipinga na kuhisia haja ya mtu wa Mungu pale wanaposema kwamba Nabii Isa a.s. atashuka kutoka mbinguni kwa ajili ya kuwaongoza Waislamu kwenye ushindi. Hawataki kabisa kwamba mwana (mfuasi) wa Muhamamd s.a.w. achaguliwe kutuongoza lakini na wanamtegemea mwana wa Israeli aje kuuhukumu umati wa Muhamamd s.a.w. Wao bila kujijua, maskini, wanaikana nguvu ya kiroho ya kutakasa ya Mtume wao Mtukufu s.a.w.!

 

(8) Waislamu wa Ahamdiyya tunaiamini ahadi ya Mwenyezi Mungu aliyowaahidi waaminio katika Qurani (24:56) kwamba wale watakaoamini na kufanya vitendo vizuri watafanywa Makhalifa katika ardhi.

Sawa na ahadi hii ya Mwenyezi Mungu yeye tayari ameshaleta Makhalifa kati ya Wasialmu ili kutimiza ahadi yake. Na kwa fadhili zisizo kikomo za Mwenyezi Mungu Jumuiya ya Waislamu wa Ahamdiyya inaongozwa na Khalifa. Lakini Waislamu wengine wanasema kwamba siku hizi hakuna Khalifa kati ya Waislamu na Waislamu wote wanaishi bila kiongozi yeyote. Yaani umati hauna baba kama mwili usio na kichwa. Tunawauliza Je, Mungu wao amesahau ahadi yake au wao wamekosa imani?

 

(9) Mtume Mtukufu Muhamamd s.a.w. alitabiri kwamba baada ya kila miaka mia moja Mwenyezi Mungu atamuinua Mujaddid (Mwenye kuimarisha dini) (Abu Daudi, Kitaabul Fitan). Tunaamini kwamba sawa na utabiri wa Mtume Mtukufu s.a.w. katika kila karne ya Kiislamu Mujaddid walifika na Mujaddid wa karne ya 14 ni Hadhrat Mirza Ghulam Ahmad a.s. Waislamu wengine wameanzisha dhana kwamba Mwenyezi Mungu aliendelea kuwaleta Mujaddid mpaka karne ya 13 lakini katika karne ya 14 Mwenyezi Mungu hakuleta Mujaddid yeyote. Sasa ni karne ya 15 ya Kiislamu. (10) Mtume s.a.w. alitabiri kwamba wakati wa upotevu wa umma wake Masihi na Mahdi atakuja kuwaongoza Waislamu na kuleta ushindi wa dini ya Kiislamu. Sasa Waislamu Waahmadiyya tunaamini kwamba katika wakati huu wa upotevu wa umma wa Mtume s.a.w. Mwenyezi Mungu amemtuma Masihi Aliyeahidiwa na Imam Mahdi ambaye ni Seyyidna Ahmad a.s. Lakini Waislamu wengine wanasema kwamba hii ni kweli upotevu namfarakano mkubwa umetokea katika Waislamu, lakini kiongozi wa kidini, Imam wa Kiroho hajapatikana. Ugonjwa umeenea sana lakini dawa haijapatikana. Kama waulizwe, je, Mtume wenu alisema kweli, au Mungu wake hakutambua ahadi aliyowapa wafuasi wake? Watajibuje!!!

 

 (11) Sisi Waislamu wa Ahamdiyya tunaamini kwamba dini ya Kiislamu ilikamilika katika maisha ya Mtume Muhamamd s.a.w., na baada yake mtu yeyote hana ruhusa kuongeza wala kupunguza chochote katika sheria za Kiislamu. Wakati tunatangaza dini halisi bila bidaa yoyoteWaislamu wengine wanafikiri kwamba tunatangaza dini mpya. Ilhali hawa jamaa wameifunika dini na takataka nyingi za bidaa. Hivyo wanapoelezwa dini halisi ya Mtume Muhamamd s.a.w. wanafikiri kuwa ni dini mpya. Kwa mfano mambo kama: (i) Khitima, (ii) Arobaini, (iii) Talasimu, (iv) Talaqini, (v) Maulidi ya kupiga ngoma na kucheza dansi na kadha wa kadha, ilhali mambo haya yote hayana msingi katika dini, si suna ya Mtume s.a.w. Mtukufu wala ya Masahaba wake, Bali wametunga mambo haya baadaye kwa matamanio yao.

 

 12. Sisi Waislamu wa Ahmadiyya tunaamini kwamba Hadhrat Muhammad s.a.w. ndiye Khaatamunnabiyyin. Yaani Mbora na Muhuri wa Manabii wote, na hatakuja Mtume yeyote baada yake ambaye aje na dini mpya au afundishe jambo lolote kinyume cha Sunna za Mtume s.a.w. Na tunaamini kwamba sasa daraja zote za kiroho zinapatikana katika umati wake. Waaminio wake na wafuasi wake watachaguliwa kwa kupewa neema zote.(4:70). Lakini Waislamu wengine wanasema kwamba wafuasi wa Mtume Muhammad s.a.w. hawatapewa neema yoyote kutoka kwa Mwenyezi Mungu. Bali Nabii Isa a.s. atakuja mara ya pili. Kwa njia hii sawa na jamaa hawa Nabii Isa a.s. ndiye mwisho wa Manabii na si Mtume Muhammad s.a.w., kwa sababu Nabii Isa a.s. sasa atakuja baada ya Muhammad s.a.w. na atafanya kazi ya utume baada ya Muhammad s.a.w. Baadhi yao wengine kwa kuona ubaya wa imani yao hiyo wanajasiri kiasi hiki kwamba wanasema Nabii Isa a.s. atakapokuja atanyang'anywa cheo chake cha Utume. Sasa kila mtu anao uhuru wa kufuata imani yake. Kama wewe unaunga mkono upande wa juu basi wewe ni Muislamu Waahmadiyya, wewe ni ndugu yetu, uko wapi? Tunakutafuta. Na mtu ambaye anaunga mkono upande wa chini, anakuwa upande wa hao Waislamu wengine. Pia kama wewe unakubaliana na mawazo ya Waislamu wengine chini ya kila nukta iliyoelezwa hapo juu, tunakukaribisha tafadhali uchunguze, uhakikishe kwamba ukweli uko wapi? Ili uweze kufuata Dini ya Mwenyezi Mungu na njia iliyonyooka.

SWALI: 

Sayyidna Ahmad a.s. ametumwa na Mwenyezi Mungu, sawa, kwa nini anaongeza ongeza madai yake kama mfano kuwa Mujaddid, Mahdi, Masihi, Nabii, Rasuli na kadhalika?

JIBU: 

1. Mitume wanachaguliwa na Mwenyezi Mungu na wanapewa madaraka na vyeo mbalimbali. Kwa hiyo wakati wanapewa madaraka yoyote, inakuwa ni jukumu lao kutangaza. Basi wanatangaza na wanadai madai yale wanayopewa na Mwenyezi Mungu.

2. Mitume hawafunuliwi mambo yote katika siku moja, bali wanaendelea kufunuliwa maisha yao yote. Basi jambo wanaloambiwa kwanza wanalitangaza kwanza, na jambo wanaloambiwa baadaye wanalitangaza baadaye. Kwa mfano Qur'an Tukufu iliteremshwa katika muda wa miaka 23.

3. Ulikuwepo utabiri wa kuongeza madai: Imam Mahdi atadai kuwa Adam, Nuhu, Musa, Isa na Muhammad s.a.w. na Maimamu wa Ahlul Bait.  (Biharul Anwar Jl. 13 uk. Na. 33).

 4. Kuongeza ongeza madai ni sunna ya Mtume wetu Muhammad s.a.w

inayopatikana katika Qur'an tukufu, Kwa hiyo Sayyidna Ahmad a.s. kwa sababu zilizotajwa hapo juu amejaaliwa kufuata nyayo na sunna za Mtume Mtukufu Muhammad s.a.w. Madai mbali mbali ya manabii katika Qur'an Tukufu Mtume Muhammad s.a.w.

1. Na siye Muhammad ila Mtume tu. (3:145).

2. Nabii aliye Ummi (7:158).

3. Nabii (33:2).

4. Shahidi (33:46).

5. Mubashshir (Mtoaji wa habari njema) (33:46).

6. Nazir (Muonyaji). (33:46).

7. Dai ila llah (Muitaji kwa Allah) (33:47).

8. Siraajumunira (Taa itoayo nuru (33:47).

9. Rehema kwa walimwengu (21:108).

10. Khaatamunnabiyyin (Muhuri wa Manabii) (33;41).

11. Muzammil (Mwenye kujifunika nguo) (73:2)

12. Mudaththir (Mwenye kuvaa) (74:2).

Madai, sifa na vyeo vya Mtume Mtukufu Muhammad s.a.w. vimetajwa vingi mno katika Qur'an Tukufu na katika Hadithi pia. Katika hadithi moja Mtume Mtukufu s.a.w. amesema: Mimi ni Muhammad, Ahmad, Mahi, Hasher na Aaqib. (Bukhari). Vilevile manabii wengine pia walipewa vyeo mbalimbali. Tunawataja baadhi yao pamoja na vyeo vyao.

Itaendelea...